उदगीर
कॅन्सर शिबिरात तपासणी केल्यामुळे एका महीलेचा कॅन्सर चा धोका पूर्णपणे टळला असल्याचे कर्किंनोजचे डॉ अमोल गायकवाड यांनी सांगितले आहे .
लाईफ केअर येथे कर्किंनोज हेल्थ केअरच्या माध्यमातून सर्व्हायकल कॅन्सर तपासणी शिबिर घेण्यात आले .या शिबिरात बत्तीस महिलांची तपासणी करण्यात आली . बार्शी येथील कॅन्सर तज्ञा मार्फत या रुग्णाची तपासणी करण्यात आली . यापैकी तीन महिलांना कॅन्सरचा धोका असल्याचे निदर्शनास आले . दोन महिलांना सी आय एन-१ तर एका महिलेला सी आय एन-२ (सर्व्हायकल इंट्राईपिथेलीयल नियोप्लाजिया) ही सुरुवात असल्याचे आढळले . यापैकी सी आय एन २ च्या रुग्णाला कोल्ड कॉअग्युलाशन ट्रीटमेंट देण्यात आली . यामुळे या महिला रुग्णाचा गर्भाशयमुख कॅन्सरचा धोका पूर्णपणे टळला आहे .
भविष्यातील धोका टाळण्यासाठी ३० वर्षांवरील महिलांनी तातडीने तपासणी करून घ्यावी जेणे करून वेळीच निदान झाले तर भविष्यात होणाऱ्या गर्भाशय कॅन्सर पासून संपूर्णपणे मुक्तता मिळू शकते . कॅन्सर म्हणजे मृत्यू नाही यासाठी वेळेवर आजाराचे निदान आणि उपचार होणे आवश्यक असल्याचे डॉ अमोल गायकवाड यांनी सांगितले